X
تبلیغات
اشعار عربیه فی مدح اهل البیت(ع) - ابیات ابوذیه فی مدح الامام المهدی (عج)

ابیات ابوذیه فی مدح الامام المهدی (عج)

 

 

 

وحق یاسین وابرهیم یوشع

وجهک خجّل البدرین یوشع

تخضع له جمیع الخلگ یوشع

اسمک یا عزیز اهل الوطیه

 

""""""""""""""""""

الصلاة اعلی النبی مفروض واله

الرادالفوز  لاهل  البیت   واله

ابحبهم گلبی یا هلناس  واله

ذچرهم کل دقیقه ایمر علیه

 

""""""""""""""""

یبوصالح انطرک وکت تاتی

احبک یوم العب چنت تاتی

اخبرک باقی بالدلال تاتی

عجل لا تگطعه اهل الردیه

 

""""""""""""

یبو صالح نحبکم    یوم  نحبی

نرید انشوف بیت العده نوحبی

گبل لا ینگضی مولای  نحبی

نحب انجاهد اویاکم سویه

 

"""""""""""""""

یبو صالح اتوسل بیک  ونجای

اگصدنک ولا اظن تنب ونجای

منک اطلب  الحاجات   ونجای

تعجل بالفرج یبن الشفیه

 

"""""""""""""""

ابوصالح رفع علی الجورکفه

اسد من سطر للطاغوت کفه

الناس ابکفه والمذخور کفه

رجح وزنه ولا یوجد جدیه

 

"""""""""""""""

عجب یصبر المثلک چان ویهود

والکعبه   بیدین  الکفر  ویهود

یمته ایکوم بیک العزم  ویهد

یبوصالح وتنجیه البریه

 

"""""""""""

یصاحب عجل ابجیتک عجلها

گبل لا تعبد  الوادم    عجلها

امتک من ظلم قاده   عجلها

تصیح احضریبن حامی الحمیه

 

"""""""""""""""

یصاحب شوف عدوانک عجلهم

علینه  اتریدنه     نعبد  عجلهم

علی الحق کل وکت تسحگ عجلهم

بامر صهیون واهله الیهودیه

 

""""""""""""""

الکفر ظاهر ابحر الارض والبر

وبیت اهل الدیانه السجین والبر

یصاحب من القاده التقی والبر

بس سید علی و شعبه  الشفیه

 

"""""""""""

الی عین اترگب دربک واذن لی

تصغی للسما  اینادی واذن لی

اجاهد من تشرفنه  واذن لی

مسروجه وحلیف البندقیه

 

"""""""""""""""""

الشیعه النصرتک عدت لهاذم

توفی با لعهد للحگ     لهاذم

الخانت بیک یلمهدی لهاذم

والشیعه الوفا بیهم سجیه

 

""""""""""""

انتم عرا  هذا  الدین    وثقه

یبو صالح عماد الشرف وثقه

کلمن ربط روح ابذنب وثقه

بیکم لاذ من نار السریه

 

""""""""""""""

المهدی انولد والعالم فرح به

یشیعی استقبل الیوم  فرحبه

الخلایق تحیه بوجوده فرحبه

تصیر من العدل ارض الوطیه

 

"""""""""""

یشیعی انتظر للموعود عدله

هذا الیچسی المخلوق  عدله

عگب اهله فلا ینوجد عدله

ابفضلهم والشجاعه الحیدریه    

 

""""""""""""

یمسلم مولد    المنتظر   حی به

الیوم الحشر هذا الخلگ حی به

المحب لیل الفرح والعید حی به

یمدح للبدورالاحمدیه

 

""""""""""""

المهدی شمس والنایب   بدرنه

ضووا کل الملک موبس بدرنه

کل الناس     تتعامل   بدرنه

کلام الله وهداته اعله البریه

 

"""""""""""""""

الشیعه تنتظریظهر    بطلها

وسحابه تسقی الوادم    بطلها

تعال وسحر کل طاغی بطلها

ابعصی موسی وسیوف الحیدریه

 

"""""""""""""

غبت والدهر بسیفه علی دار

یمن جدک یبوصالح علی در

ابغیثک احیی الروحی علی در

واشفی اگلوب کل الجعفری

 

"""""""""""

الخلایق والمهدی   سمانه

النبی شیعة علی ولده سمانه

ابوصالح ابحب اهله سمانه

ابعلامة یاعلی حامی الحمیه

 

"""""""""""

الگلب حقه لون یبتهج یفراح

وابمولد المهد  الحزن  یف  راح

 ابدار اهل المجد والشرف یا فراح

ابعید المنتظر عودی علیه

 

""""""""""""

المهد حجت المعبود وآیه

ونا اعله کفر بالسیف وایه

متی اسمع ابشخصه ظهروایه

واکحل اعیونی ابنواره البهیه

 

""""""""""

عله ابوصالح سالنه وانشدینه

ونظمنه الشعر بسمه وانشدینه

یمته ایهل بدرنه وانشی دینه

وترف رایته الخضره اعلی الوطیه

 

"""""""""""""

جاوزت الخلگ  بالمجد   ونداک

وکل وکتی ابذچرطرواک ونداک

الجبل من همتک ینصدع ونداک

عجب تصبرعماتک سبیه

 

""""""""""""

 

 

 

 

 

+ نوشته شده در  جمعه یکم مرداد 1389ساعت 15:24  توسط mohamad | 
 
صفحه نخست
پست الکترونیک
آرشیو وبلاگ
عناوین مطالب وبلاگ
درباره وبلاگ
ابیات الولایه:فی حق امام علی (ع):موال الولایه فی حق امام علی(ع):ابیات ابوذیه فی حق اباصالح المهدی(عج):نشید الانتظار فی حق امام المهدی(عج):ابیات ابوآیه فی حق اباصالح(عج)

نوشته های پیشین
شهریور 1389
مرداد 1389
تیر 1389
آرشیو موضوعی
نشید ا
 

 RSS

POWERED BY
BLOGFA.COM